lundi 28 juillet 2014

Mofo mamy

Misy namako akaiky izay, anisan'ireo nihinana ny mofomamy nataoko tamin'ny fetiko tamin'ity taona ity dia tena nankafy ny asa tanako ka faly ery aho fa tsy mbola nahita sitraka toy izay! Tena fanomezana lehibe ny nahenoako fa mba nisy nankafy izay nahasahirana ahy. Mbola nandona ny foko hatrany raha nangataka tamiko izy andro vitsy lasa izay oe mba atoroy fanaovana an'iny mofomamy iny. Koa dia ito ary izy, zaraiko aminareo rehetra, sao mba misy te-hanandrana koa any ho any.

Ireo zavatra ilaina (ataoko fatra fara-fahakeliny, ho an'olon-droa ny eto ka ampitomboy arak'izay isan'olona ho asaina):

- Atody 4
- Siramamy 120g (ny ahy eto nosoloiko édulcorant liquide)
- Lafarinina 160g 
- Hanitra (lavanila, voasary makirana na izay tiana)
- Dibera 30g (nosoloiko menaka ny ahy fa io mba tsy be kaloria)

Fomba fanaovana azy:

Vakiana anaty bol jobo ny atody, arotsaka ao koa ny siramamy rehetra dia kapohina miaraka mandrapaha-fotsy ilay fangaro, lasa toy ny lakrema ny endriny vao ajanona.

Mila afanaina ny fatana 180°C ny hafanana mandritra ny 10mn.

Arotsaka anaty lafarinina ny hanitra nosafidiana - ny ahy lavanila - dia arotsaka tsimoramora ao anatin'ilay atody sy siramamy voakapoka, avy eo mandrotsaka kely an'ilay dibera mitsiranoka (na menaka toy ny ahy), somary ingaina ny sotrobe hazo rehefa manafangaro azy mba hiaina ilay laro. Alefa tsimoramora toy izay hatrany mandra-pifangaron'izy rehetra.

Rehefa mifangaro tsara ny laro dia alaina ny moule ka hosorana dibera kely ihany koa mba tsy hiraikitra ny mofo rehefa masaka, avy eo dia arotsaka moramora ny laro rehetra.

Andrahoina anaty lafaoro mandritra ny 20mn.

Dia vonona ny mofomamy, anjaranao indray ny manaingo azy amin'ny lakirema izay safidin'ny fonao, toy ny lakirema vita amin'ny dibera, na koa lakirema chantilly, na ny tsotra indrindra dia ny mampiasa pâtes à sucre (vidiana vita eny an-tsena). Amin'ny manaraka raha tianareo dia mbola handefa horonantsary hafa aho hanaovantsika lakirema sy haingo fa izao aloha araho an-tsara izay voalaza rehetra teo e!






Dia mazotoa homana avokoa ry namako sy mpanara-dia ahy rehetra 

Mankasitraka hatrany aho noho ireo soso-kevitra alefanareo, sy ireo fangatahanareo mba ho avoakako lahatsoratra eto.

Mandra-piresaka indray ary ;)


MITAIZA VATANA

Hehy no anombohako an'ity lahatsoratra anio ity! Tsy izany fa malaza be ilay oe: "nohon'ny fangatahanareo dia ity...". Ka tena marina manko fa nohon'ny fangatahan'ireo namako sasantsasany no tena nahatapaka ny hevitro handrakitra an-tsoratra anio ny dingana rehetra narahiko ka nahatoy izao ny bikako. Dia saika atomboko tamin'io fehezan-teny io vao tonga saina be aho oe " je suis tellement clichée". 

Tsetsatsetsa tsy aritra iny fa 'ndao hiresaka e!

Tsy sendrasendra mihitsy, na oe nolalovan'aretina, na koa oe mafy loatra ny krizy, dia nihena izay tsy izy :D fa tena mba nanao ezaka mafy, mba nitaiza vatana fa efa tonga ny fotoana e! Ny taona efa mandroso rahateo dia aleo mihetsika ry zareo a! 

Ny tena fototry ny zavatra rehetra, na te ho tsara bika na te ho salama ihany koa dia ny rano no loharano mahasoa indrindra. Misotro rano be dia be, fa mahasoa ny hoditra, ny any anaty rehetra ihany koa. Raha tsy te ho ngeza moa, tsy te hisy jabora dia ajanona hatreo ny ranom-boankazo vidiana eny an-tsena. Afaka manamboatra ranom-boankazo ao an-trano fa tsy asiana siramamy. Tsy manararaotra be fa vera iray dia mba mionona e! Na koa mba te hiova dia misotro dité, ny ravi-maintso any an-tanàna be dia be.

Fanampiny ihany koa, mila matory ara-dalàna. Mba tsy ho vizana ny vatana ka hitaky sakafo be higagàna. Misakafo antonony in-telo isan'andro. Ny siramamy soloina "édulcorant", ny menaka amin'ny sakafo ahena ho 1 sotro isan'andro. 

Izay ny ahy ny atao hoe sakafo ara-pahasalamana, efa fiainako isan'andro anefa ka tsy mampaninona! Tsy miafy sakafo aho fa tsy mirobaroba.

Faramparany kadoa: manao fanatanjahantena kely ihany koa! Izaho nanomboka niazakazaka erintaona lasa izay, nangidy ange izany e! 10mn no natao dia efa saika niantsoana mpamonjy voina. Fa isika tsy mba naman'izay mora kivy izany. Notohizana ny herin-tsaina dia nanaraka oazy teny ny herim-batana! Tsy ho lasa atleta aloha na rahoviana fa efa mba tretrika kosa rehefa tonga tamin'ny tanjona niriana.

Toy izao ny ahy isan-kerinandro, miainga na dia malaina. Handeha hiazakazaka.



Rehefa avy any dia vizana be! Nefa ezaka kely iny dia jereo nge ity hatsembohako. Tena valaka be.



Fa mahafinaritra kosa mijery an'ilay sori-dàlana vita.



Ankoatr'izany rehetra izany, rehefa mba te hanakaiky ny lafatra sy tsy te ho be kibo dia mba manao abdominaux kely, ny ahy 5 minitra matetika no naha toy izao ahy.
Fitaovana mora ampiasaina:
-1- fahazotoana
-2- karipetra
-3- akanjo tsy maneritery
-4- famantaran'ora (hanajàna ilay 5mn)




Dia manainga anareo koa! Ndao hitaiza vatana avokoa!!!

jeudi 24 juillet 2014

My FaVoRiTe LoOk for SuMmEr

Yeahhhh!! Let's rock it everybody! Let's be happy! Because it's really summer in Paris now. So I get inspired to post my look for an ordinary working day. 



As I have a mat skin, my favorite colour is red, so don't be surprise for the choice of my dress. This is not a new one and in fact I'm so sorry now for not being able to give you the name of the shop where I bought it (I recognize and regret now this bad habit to cut of the tab every time I have a new stuff. I hope I will remember next time to keep some usual tabs as references I will may need in the future like today).

Anyway, to have a better look, I have used different accessories. Since my dress is so simple as you can see it, I have decided to complete my look with this nice Scarf, it's a gift from a bestfriend ;) Please note that there is not another one like this in Paris! 

The wristlet on my left hand was a gift too. 
The pink wristlet is from Givenchy
In my right hand, I have a sort of Hypanema wristlet.

The shoes are signed Clarks




And to finalize, I invite you to have a look on my pretty and my lovely bag from Liebeskind




That's all for today! I hope you enjoy my look. 

Happy Summer again! 
Be thankfull because winter is not so far! 




mercredi 16 juillet 2014

Tanam-bakivaky

Rehefa lava loatra ny ririnina taty aminay dia nanjary nitaky hery be kokoa nohon'ny isan'andro ny vatana. Fa na niezaka ihany aza nisakafo ara-pahasalamana dia tsy nahasehaka firy aho. Ho ahy manokana manko tena nisy takaitra mihitsy ny ririna 2013/2014; hatramin'izao fotoana izao aza moa tsy dia hita loatra izay andro mafana fa tena mbola manalasala be ihany. Mbetika eo mafana be, mbetika indray mangatsiaka tampoka, ny orana moa izany dia tena nanao izay ho afany ihany koa tamin'ity taona ity. Samy mahazo anjara teo daholo e! Na ny kiraro lava, na ny kapa, na ny "bottes de pluie".

Fa tsetsatsetsa tsy aritra iny andro mivadibadika hafahafa iny. Toa tsy ny aty ihany aza moa no tsy hita hofaritana ny vonon'andro fa hatrany aminareo koa. Na izany na tsy izany, mba te hanampy anareo ao anatin'ny ririnina mamirifiry sao mahasoroka ny voka-dratsy ihany koa.

Vokatry ny hatsiaka manko dia zary maina kina koa ny hoditry ny vatako, ny tanana sy ny tongotra, nahazo takaitra daholo. Fa ny tena nahavariana ahy dia ny tanako vakivaky. Tena mahagaga anie izany ry zareo e! Tena tresaka, mandeha rà ireo ratsan-tanako ireo! Nangirifiry, naharary loatra. Ara-bakiteny ilay hoe sady naharary no nahamenatra... Dia nandramako avokoa izay menaka resahin'olona fa mba te hanana ny soa: Mixa, Neutrogena, Yves Rocher, Avène, sns... Maro tsy voatanisa fa tena tsy nisy nandaitra. Ny vola fotsiny no lany.

Dia nisy nanoro indray: huile d'amande douce, huile d'olive, karaza-menaka rehetra azo @ zava-maniry koa no nasesy teo, farany nataoko fa tsy nahavita azy ihany koa ny vaseline.

Ny tena moa vehivavy, tsy ahari-pery ela loatra, sady mba menatra ihany koa e! Toa ny vehivavy tsy mba mivoatra, dia mihosotrosotra eny e! Andramana aloha koa. Hohita eo ihany izay vokany rehefa any aoriana.

Fa sendra ny tsara aho dia tsy aritro, indro araikitro an-tsoratra sao hahasoa ny hafa koa. Mbola olona ihany no nanoro ahy: zazavavy kely malagasy...(Mankasitraka retsy a)... Hoy izy oe mahasoa ny "Beurre de Karité". Nanandrana aho ka afapo! Tena nahazo valisoa.


Dia nanao fanandramana aho, erinandro 2 monja! Tsy fahagagana akory. Fa mandaitra loatra ilay fika! Menaka indray mitsongo, no ahosotro isan'alina rehefa andeha hatory. Nony maraina koa, rehefa andeha hivoaka ny trano dia manosotra kely @lay menaka mafana mahasoa!

Ny vidiny tsy dia lafo! Aty izy 10€ eo! Any amintsika koa efa feno rahateo. Raha ny soa azo no lanjalanjaina, ankehitriny aho tsy mampiasa afa-tsy io menaka io, na @ molotra na @ vatana na @ tanana! Misy soratra hoe mety atao mena-bolo ihany koa fa izany hoe ny ahy moa ny volo efa mitera-menaka oazy eo. Azoko lazaina marimarina: raikim-pitia aho @ity Beurre de karité ity. Afapo tanteraka e!

Asiana sary kely aloha mba jerenareo ny fahombiazana t@ilay tànana. (Tsy hoe tsara tarehy be! Tsy mba anisan'ny manana rantsana mahafatifaty e!)








Antenaiko fa izay andrana nataoko mba ahasoa anao koa! Raha manandrana ianao dia mba amparitaho! Zarazarao @ namanao!!!

Amin'ny manaraka indray ary!


samedi 12 juillet 2014

BB CREAM


Happy JULY all!

Hope you had a nice week end. Mine was just magical. We did our " pendaison de cremaillère" on 5th of july... And do you know what? I don't understand why french people do this. No matter , for me it was just a big opportunity to ask my friends to have fun with me. So we had fun. We drank juice, wine and coffee , but especially we ate malagasy food : composé, caca pigeon, voandalana, cacahuète and bonbon voanjo :)
I have told you this story to apologize for this long silence and explain why I was not posting for this long period (I moved...).

Today, I just promised to myself that I will post something here for my followers. So here I am guys...
But what to say? 

....... :D

Let's talk about my passion: Make up 

As you know I'm a make up addict. I'm just in the basic level but I like to try new tools and share my experiences. So during this 3 weeks, I started to use "BB Cream NUDE Magique by L'OREAL". I've never try to use BB Cream untill now. I often apply foundation in my every day life. My favorite is Naked Skin by Urban Decay. And this foundation is just perfect just naked as promised, so natural. 





Then my deduction after those 3 weeks are:

- BB Cream is not for my skin. Or should I try another one? Any suggestion from you?

- If I insist to use BB cream, I have to apply first another Cream to moisturize my skin, the one I used is Extreme Day Cream by AHAVA (and I recommend this cream for all my malagasy friend as well it's very good for our face, especially in winter)






-Just to feel confortable, even if used BB cream I noted that it's always better to finalize with a powder foundation.

Have I made a mess? Maybe I think I used the BB Cream in a wrong way! Maybe I have to get advise from a professional user. Or what?

If you guys, have experience of BB Cream, even if it's not L'Oréal, I beg you, leave a comment bellow and share your opinion with us.


Cheers <3

mercredi 9 juillet 2014

Depression ;(

Misy teny tsy haiko dika ity "depression" ity. Taiza ho aiza no mba nahenoako an'izany teny izany? Mba aiza no ahitàna io dikan-teny io? Misy mahalala?


´Ndeha aho hanandrana hamaritra:

Tena misitery be ihany. Tsy te handalina aho akory, mety ho hevi-diso ny ahy, enga anie fa manorisory, raha mikarokaraka rohy ve tsy ahalala ny tena marina e! Fa tsy misy nenina aho akory, soa ihany aho tsy nahalala hatramin'izay ny famaritana ity teny "depression" ity, fa mafaitra sy mangidy ny hevitra ahalalako sy handikako azy. Toa teniteny foana tsy misy anaty voambolako hatrizay, saingy indrisy, nantsoiko ho "depression" izay manjö ahy rehefa kivy, maloka sy tsy misy tsiky ny androm-piainako! 

"Je déprime". Andrekaky ô! Andreneny ô! Hitako taiza moa izany? Fa dia iainana matetika izy aty an-tanin'olona aty. Rehefa ririna iny, na toy izao anio izao koa e! Maloka be tsy misy toa azy ny andro, manerik'erika zary arahina fanàla.... Fa io rahona io aza matevina tsy nahy... Mainty, maizina ny tontolo... Mandratra ny fanahy :(


Inona no atao rehefa te-hiala amin'ny "depression"?

Misy fika be dia be, fanafody no ampiasain'ireto vahiny efa mahitahita. Misy boky koa vakiana dia misinda ny aretina. Fa ho an'izay mpanao ady gasy, aleo mitady paika hanariana dia, hampisy tsirony ny fiainana sy hanalefaka ny adin-tsaina. Ho ahy aloha manoratra eto amin'ity sehatro ity dia efa tena azo be ny aina. Arahina mozika hoy ny ankizy izay (hihomehy kely izy izao),  tena ao tsara, tena izy 'lay (y)

Enjana ihany ny miala amin'io toe-tena "déprimée" io fa mba nandramako dia mba tena mandaitra ihany koa aloha ny kaoatry e! Izaho izao mahazo fÿ ery ato! Zaraiko aminareo, izay haingitraingitra eto ange! Hmmm tena matsiro be! 




Ankoatran'ny sakafo, miala voly koa, mba andramo fa mandaitra loatra. Ho an'ny maro anisa izao hafa kely an! Etsy ange mba jereo: Malaza izao ny baolina kitra  dia any no mampandry adrisa, mampiresaka mpandalo, manaka-dresaka amin'ny mpiray fiaran-dalambe, na eny anjari-daina sy eny rehetra eny, vao oe kitra dia efa tsy tàna fa injao samy manan-kolazaina. Ndriiiii mandaitra daholo rehefa mahafalifaly e! Na resy aza Brésil mbola misy foana ny favo sa ahoana? "Anti-depression" goavana io fialam-boly io zareo! Indrisy aho tsy mba mpankafy! Tsy mandaitra amiko akory ny mijery fahitalavitra raha te hanary dia.


Tsipy teny kely no hamintinako azy

Mba iriko loatra izay rehetra tsy mbola mahalala an'ity "depression" ity, aza mikaroka akory. Tsy mahasoa! Halaviro! Andosiro toy ny areti-mandoza. Aleo tsy hisy handika teny fa tsy mahasoa taranaka akory ilay heviny. Toy ny teny ratsy izy ito amiko, aleo ezahiko fafàna anaty voambolako... Dia mba tsy hiteny intsony aho oe "inay any aho tsy nahalala anao, inay any aho tsy mba niaina toy izao".


Mba ho tsara foana ny fiafarana dia aleo asiana tanjona goavana

"Je ne deprimerai plus". Izay izao no mba fikasako, dingana mavesatra tsy maintsy hosedraiko. Andramana aloha ny kaoatry sy ny mofomamy, dia hitohy ny andro, hamitsaka kely dia hariva eo ihany. Rehefa tonga ny alina, hanantena andro mirana, hanantena ny ampitso hampody saina miramirana


Tsarà andro avokoa isika Malagasy rehetra é